തിരുവനന്തപുരം.പുതിയ കാലഘട്ടത്തിലെ യാഥാർത്ഥ്യത്തിൻ്റെ അറിവാണോ അറിവിൻ്റെ യാഥാർത്ഥ്വമാണോ എന്നുള്ള വൈരുദ്ധ്യാത്മികതയാണ് ചലച്ചിത്രവിമർശനത്തിന്റെ കാതലെന്ന് പ്രശസ്ത ചലച്ചിത്ര സംവിധായകൻ ഷാജി എൻ കരുൺ. പത്രപ്രവർത്തകനും ചലച്ചിത്ര നിരൂപകനുമായ എ ചന്ദ്രശേഖറിൻ്റെ മാറുന്ന കാഴ്ച മായാത്ത കാഴ്ച എന്ന ചലച്ചിത്രഗ്രന്ഥം തിരുവനതപുരത്ത് പ്രകാശിപ്പിക്കുകയായിരുന്നു അദ്ദേഹം.
സയൻസിന് ഒരിക്കലും കഴിയാത്ത കാര്യങ്ങളാണ് സ്ഥലകാലങ്ങളിൽ സിനിമ ചെയ്യുന്നത്. അവയിലേക്ക് കൊണ്ടുപോകുന്ന അക്ഷരങ്ങളുടെ ആത്മീയതയാണ് ചന്ദ്രശേഖറിന്റെ പുസ്തകത്തിൽ പ്രതിഫലിക്കുന്നത്.
കേരള ഫിലിം ക്രിട്ടിക്സ് അസോസിയേഷൻ സംഘടിപ്പിച്ച ചടങ്ങിൽ അധ്യക്ഷത വഹിച്ച ഡോ.ജോർജ്ജ് ഓണക്കൂർ ആദ്യപ്രതി ഏറ്റുവാങ്ങി. പ്രദീപ് പനങ്ങാട് പുസ്തകം അവതരിപ്പിച്ചു. തേക്കിൻകാട് ജോസഫ്, എം.എഫ്. തോമസ്, പ്രൊഫ. വിശ്വമംഗലം സുന്ദരേശൻ , ബൈജു ചന്ദ്രൻ, സുരേഷ് വെള്ളിമംഗലം, എ. ചന്ദ്രശേഖർ എന്നിവർ പ്രസംഗിച്ചു.
No comments:
Post a Comment